14:00 – 21:00
17:00 – 20:00
10:00 – 17:00
Vinsælustu skíðaleiðirnar í Bláfjöllum eru Norðurleiðin og Kóngsgilið. Hægt að komast í þær með bæði Kónginum (nýja stólalyftan) og Drottningunni (gamla stólalyftan). Við Kónginn er einnig Lilli Klifurmús (Borgarlyftan) og Brettalyftan fyrir Mohawk’s parkið. Fyrir ofan Bláfjallaskála eru byrjendalyfturnar Amma Mús og Hérastubbur, ásamt leiktækjum fyrir börn. Fyrir neðan Bláfjallaskála eru auðveldustu brekkurnar fyrir byrjendur með Töfrateppið og kaðallyftuna Patta Broddgölt og eru þær gjaldfrjálsar.
Sunnar komum við svo að Sólskinsbrekku og Suðurgili. Í Sólskinsbrekku er toglyftan Mikki refur, byrjendalyftan Kormákur Afi, tvíburalyfturnar Jón Oddur og Jón Bjarni og byrjendalyftan Amma dreki. Auðvelt er að komast á milli Sólskinsbrekku og Kóngsgils með því að fylgja troðinni braut sem tengir svæðin, eða með kaðallyftunni Bangsadreng sem er við Mikka Ref.
Fyrir byrjendur mælum við einna helst með að halda sig í nágrenni skálanna, þar sem auðveldustu lyfturnar eru.
Við Norðurleiðina er Mohawk’s Parkið sem er snjógarður með stökkpalla fyrir snjóbretta- og freestyle skíðafólk. Hægt er að komast að ofanverðu úr Kónginum og Drottningunni, og svo er sér toglyfta sem þjónustar snjógarðinn.
Við viljum hvetja alla til að fara varlega í snjóhengjum sem eru utan hins skipulagða skíðasvæðis vegna snjóflóðahættu.
Samkvæmt öryggisreglum skíðasvæða á brettafólk alltaf að vera með annan fótinn fastan í lyftunum og aldrei má láta bretti eða skíði renna frá sér.
Ef þið verðið vitni að slysi á skíðasvæðinu gefið ykkur sem fyrst fram við starfsmenn, eða hringið í 112 og sérþjálfaðir vettvangsliðar munu bregðast við.
Minniháttar meiðsli meðhöndlum við fúslega í Bláfjallaskála, en þá er gengið inn um starfsmannainngang á norðurgafli hússins. Starfsmönnum okkar er ljúft og skylt að veita þá aðstoð sem þeir eru færir um að veita hverju sinni.
Nýja stólalyftan
Árgerð: 2022
Flutningsgeta: 2200 (menn/klst)
Lengd: 1.068m
Fallhæð: 215m
Stólalyftan í Kóngsgili
Árgerð: 2004
Flutningsgeta: 2200 menn/klst
Lengd: 762m
Fallhæð: 223m
Áður beygjulyfta
Árgerð: 1989
Flutningsgeta: 665 (menn/klst)
Lengd: 595m
Fallhæð: 102m
Borgarlyftan
Árgerð: 1974
Flutningsgeta: 703 (menn/klst)
Lengd: 231m
Fallhæð: 74m
Kaðallyfta við Bláfjallaskála
Árgerð: 2003
Flutningsgeta: 1500 (menn/klst)
Lengd: 100m
Fallhæð: 10m
Færiband við Bláfjallaskála
Lengd: 100m
Fallhæð: 10m
Byrjendalyfta við Bláfjallaskála
Árgerð: 1986
Flutningsgeta: 717 (menn/klst)
Lengd: 199m
Fallhæð: 21m
Byrjendalyfta upp að Breiðabliksskála
Árgerð: 1992
Flutningsgeta: 718 (menn/klst)
Lengd: 293m
Fallhæð: 22m
Hringekja
Fyrir 10 ára og yngri
Einn á hverjum púða
Nýja stólalyftan við Suðurgil
Árgerð: 2022
Flutningsgeta: 2200 (menn/klst)
Lengd: 473m
Fallhæð: 155m
Tvíburalyfta
Árgerð: 1978
Flutningsgeta: 663 (menn/klst)
Lengd: 389m
Fallhæð: 106m
Tvíburalyfta
Árgerð: 1999
Flutningsgeta: 663 (menn/klst)
Lengd: 389m
Fallhæð: 106m
Toglyfta við ÍR/Víkingsskála
Árgerð: 2003
Flutningsgeta: 695 (menn/klst)
Lengd: 552m
Fallhæð: 91m
Byrjendalyfta við ÍR/Víkingsskála
Árgerð: 1991
Flutningsgeta: 653 (menn/klst)
Lengd: 281m
Fallhæð: 48m
Kaðallyfta, tengileið að Kóngsgili
Flutningsgeta: 1500 (menn/klst)
Lengd: 90m
Fallhæð: 10m
© 2026 Skíðasvæðin.
