Fara beint í aðalefni
Sveitarfélögin Reykjavíkurborg, Mosfellsbær, Seltjarnarnesbær, Kópavogsbær, Hafnarfjarðarbær og Garðabær, sem sameiginlega reka skíðasvæði höfuðborgarsvæðisins undirrituðu 7. maí 2018 samkomulag sem felur í sér að á næstu árum verður ráðist í endurnýjun á skíðasvæðunum.
Samkvæmt samkomulaginu verður ráðist í endurnýjun og uppsetningu þriggja stólalyfta í Bláfjöllum og endurnýjun stólalyftu í Skálafelli. Ennfremur verður settur upp búnaður til snjóframleiðslu í Bláfjöllum og Skálafelli. Samhliða þessum verkefnum verður unnið að áframhaldandi uppbyggingu á skíðgöngusvæði og bættum aðstæðum fyrir skíðagöngufólk.
Þessi verkefni eru fyrri áfangi af tveimur við heildaruppbyggingu skíðasvæðanna sem byggja á tillögu að framtíðarsýn um uppbyggingu og rekstur þeirra til ársins 2030.

Bláfjöll

  • Ný stólalyfta Drottning í breyttri legu ásamt nauðsynlegum aðgerðum og aðlögun á brautum og endastöðvum. Áætluð gangsetning lyftu er haustið 2023
  • Ný stólalyfta Gosi í Suðurgili í breyttri legu ásamt nauðsynlegum aðgerðum og aðlögun á brautum og endastöðvum. Áætluð tímasetning framkvæmda 2022.
  • Notuð stólalyfta í Eldborgargil ásamt nauðsynlegum breytingum á endastöðvum. Áætluð tímasetning framkvæmda 2026.
  • Ný toglyfta úr Kerlingadal. Áætluð tímasetning framkvæmda 2026.

Skálafell

  • Notuð stólalyfta ásamt nauðsynlegum breytingum á aðstöðu við endastöðvar. Áætluð tímasetning 2023.

Snjóframleiðsla

  1. áfangi snjóframleiðslu – Bláfjöll; heimatorfan, Kóngsgil og Öxlin.  Áætluð tímasetning framkvæmda 2024
  2. áfangi snjóframleiðslu – Skálafell.  Áætluð tímasetning framkvæmda 2025

Ofangreind verkefnaröðun og tímasetningar geta breyst ef upp koma tæknilegar eða skipulagslegar aðstæður sem kalla á endurskoðun tímasetninga.

Skíðagönguleiðir

Unnið verði að áframhaldandi uppbyggingu á skíðagöngusvæði með uppsetningu snjógirðinga, stika og merkinga, auk þess sem þriðji áfangi snjóframleiðslu nýtist til að treysta snjóalag á gönguleiðum og lengja tímabilið fyrir gönguskíðafólk.

 Markmiðin með framtíðarsýninni eru:

  • Skíðasvæði höfuðborgarsvæðisins eru í Bláfjöllum og Skálafelli
  • Miðstöð vetraríþrótta, útivistar og náttúrupplifunar allt árið
  • Á báðum svæðum eru brekkur fyrir skíða- og brettafólki og göngubrautir sem henta áhugmönnum  og keppnisfólki
  • Góðar lyftur sem fara á toppa og tryggja góða dreifingu á svæðinu
  • Stutt bið eftir lyftum
  • Fjölbreyttar brekkur sem henta öllum
  • Góðar aðstæður fyrir skíðagöngu
  • Æfingasvæði góð og skipulögð í samráði við skíðafélög
  • Keppnisaðstæður uppfylla alþjóðlegar kröfur
  •  Snjógerð á báðum svæðum sem bætir snjógæði og treystir rekstur
  • Öryggismál í forgangi
  • Öflugar þjónustumiðstöðvar á báðum svæðum og góð þjónusta í skálum
  • Gistirými og kennsluaðstaða í Bláfjöllum fyrir skólahópa
  • Gott samstarf við skóla- og frístundaþjónustu um skíðaiðkun, útivist og fræðslu
  • Tæki og búnaður sem hentar
  • Eftirsóknarverður og aðgengilegur valkostur fyrir ferðamenn
  • Almenningssamgöngur góðar
  • Góðir vegir og bílastæði
  • Samfélagsleg ábyrgð höfð að leiðarljósi
  • Alþjóðleg vottun á stjórnun umhverfismála

Kostnaður

Áætlaður kostnaður vegna þessara framkvæmda á árunum 2019 – 2026 er um 5,1 milljarðar króna. Kostnaðarskipting sveitarfélaganna fer eftir íbúafjölda og gert er ráð fyrir að hlutur Reykjavíkurborgar sé um 56% kostnaðarins.