Bláfjöll

Skíðasvæðið í Bláfjöllum er alhliða útivistarsvæði fyrir vetraríþróttir, sem þjónustar skíða-, snjóbretta- og gönguskíðafólk. Svæðið er rekið í samstarfi sex sveitarfélaga á höfuðborgarsvæðinu. Kappkostað er á hverju ári að bæta svæðið stöðugt fyrir alla iðkendur.
Þjónustumiðstöð er í Bláfjallaskála, en einnig er boðið upp á veitingasölu í skálum skíðafélaganna.

Staðan í fjallinu

  • 16/5 2022 kl. 14:42
    Það komu 69000 gestir sl vetur, sem verður að teljast gott miðað við hvernig veðrið var.
    Lægðir annan til þriðja hvern dag nánast í allan vetur.
    55 opnunardagar eru samt samkvæmt dagbókinni, en verður að segjast eins og er að síðustu 7-8 dagarnir voru óskaplega rólegir, þótt veðrið hefði verið með besta móti þessa daga.
    Rétt er að bæta við að áætlað er að reisa fyrsta áfanga snjóframleiðslu í Bláfjöllum 2023 og reisa nýja stólalyftu í Skálafelli 2024.
    Hlökkum til að sjá ykkur aftur í desember í nýrri stólalyftu á suðursvæðinu og öllum öðrum lyftum.
    Kveðja, starfsfólk skíðasvæðanna.

    Best er að kaupa miða á netinu, en nú er einnig hægt að kaupa miða hjá N1 Ártúnshöfða, N1 Lækjargötu Hafnarfirði, N1 Háholti Mosfellsbæ og N1 Stórahjalli Kópavogi. Einnig er miðasala í Bláfjallaskála.

    Hörðu kortin er auk þess hægt að kaupa í N1 Hveragerði og Olís Norðlingaholti.

     

     

     

     

Skíðabrekkur

Í Bláfjöllum eru skíðabrekkur við allra hæfi. Snjógirðingar tryggja bestu snjósöfnun svo hægt sé að opna sem fyrst, og fjölgar þeim á hverju ári. Byrjendabrekkur eru við skála, og snjógarður er með stökkpalla fyrir snjóbretta- og freestyle skíðafólk.

Nánar um skíðabrekkur

Skíðaganga


Skíðagöngusvæðið hefur farið stækkandi með auknum vinsældum og býður upp á leiðir við allra hæfi. Brautum er haldið opnum og vel troðnum eftir aðstæðum hverju sinni og eru valdar leiðir upplýstar á kvöldin. Gangan er frábær hreyfing sem hentar öllum.

Nánar um gönguskíðasvæðið

Miðasala

Allir sem kaupa miða þurfa að hafa Skidata kort sem síðan er fyllt á. Skidata kortið eða “harða kortið” eins og það er stundum kallað er m.a. hægt að fá í völdum bensínstöðvum og í miðasölu við Bláfjallaskála. Hægt er að fylla á það á skidasvaedi.is.

Verðskrá

Skíðaleiga

Í Bláfjallaskála er hægt að leigja svigskíði, snjóbretti og gönguskíði. Þar seljum við líka ýmsar smávörur fyrir skíðafólk, vöxum skíði og lánum hjálma.

Verðskrá skíða- og brettaleigu

Skíða- og brettaskólinn

Um helgar eru skíðaskólinn og brettaskólinn með námskeið fyrir yngstu kynslóðirnar. Hægt er að bóka einkakennslu alla daga fyrir byrjendur og þá sem vilja auka sína færni.

Skráning í skólann

Rútuferðir

Alla opnunardaga fer áætlunarrúta til og frá skíðasvæðinu í Bláfjöllum. Hægt er að taka rútuna báðar leiðir, eða aðra leið í lok dags.

Rútuáætlun

Skíðadeildir

Helsta æfingasvæði skíðadeilda íþróttafélaga á höfuðborgarsvæðinu er í Bláfjöllum og eru deildirnar með fjóra skála.

Listi yfir skíðadeildir

Skálar

Þjónustumiðstöð er í Bláfjallaskála, en einnig er boðið upp á veitingasölu í skálum skíðafélaganna.

Listi yfir skála