Skíðasvæðið í Bláfjöllum er alhliða útivistarsvæði fyrir vetraríþróttir, sem þjónustar skíða-, snjóbretta- og gönguskíðafólk. Svæðið er rekið í samstarfi sex sveitarfélaga á höfuðborgarsvæðinu. Kappkostað er á hverju ári að bæta svæðið stöðugt fyrir alla iðkendur.
Þjónustumiðstöð er í Bláfjallaskála, en einnig er boðið upp á veitingasölu í skálum skíðafélaganna.
Staðan í fjallinu
Loksins loksins náum við að opna.
Hér er nánast logn, -1,5° en þoka í fjallinu. Vonandi hverfur hún þegar líður á morguninn. Reikna má með lítilsháttar snjókomu af og til í dag.
Gönguspor verður lagt um leirurnar kl. 10
LÆKKAÐ verð í rútuna, frá 4000 í 2000 kr. báðar leiðir.
Skíðaleigan og veitingasalan eru á sýnum stað.
Haldið ykkur í troðnum leiðum, því verulega grunnt er í grjót í öðrum brekkum, þar á meðal niður Kóngsgilið.
Allar lyftur á suðursvæði eru lokaðar, en þar eru nóg af bílastæðum ef þess mun þurfa.
Munið að kaupa vetrarkort tímanlega en þau eru á 15% afslætti til áramóta.
Opnunartími Skíðasvæðanna um jól og áramót:
21-22 des Opið kl. 10-17
23-25 des. Lokað
26. des Opið kl. 11-16
27. des Opið kl. 11-21
28-29 des Opið kl. 10-17
30. des Opið kl. 14-21
31. des Lokað
1. jan Opið kl. 12-16
Opnanir eru háðar aðstæðum hverju sinniAlmenningsrúta verður skv áætlun alla dagana nema á nýársdag en þá er engin almenningsrúta.
Skíðabrekkur
Í Bláfjöllum eru skíðabrekkur við allra hæfi. Snjógirðingar tryggja bestu snjósöfnun svo hægt sé að opna sem fyrst, og fjölgar þeim á hverju ári. Byrjendabrekkur eru við skála, og snjógarður er með stökkpalla fyrir snjóbretta- og freestyle skíðafólk.
Skíðaganga
Skíðagöngusvæðið hefur farið stækkandi með auknum vinsældum og býður upp á leiðir við allra hæfi. Brautum er haldið opnum og vel troðnum eftir aðstæðum hverju sinni og eru valdar leiðir upplýstar á kvöldin. Gangan er frábær hreyfing sem hentar öllum.
Miðasala
Allir sem kaupa miða þurfa að hafa Skidata kort sem síðan er fyllt á. Skidata kortið eða “harða kortið” eins og það er stundum kallað er m.a. hægt að fá í völdum bensínstöðvum og í miðasölu við Bláfjallaskála. Hægt er að fylla á það á skidasvaedi.is.
Skíðaleiga
Í Bláfjallaskála er hægt að leigja svigskíði, snjóbretti og gönguskíði. Þar seljum við líka ýmsar smávörur fyrir skíðafólk, vöxum skíði og lánum hjálma.
Skíða- og brettaskólinn
Um helgar eru skíðaskólinn og brettaskólinn með námskeið fyrir yngstu kynslóðirnar. Hægt er að bóka einkakennslu alla daga fyrir byrjendur og þá sem vilja auka sína færni.
Rútuferðir
Alla opnunardaga fer áætlunarrúta til og frá skíðasvæðinu í Bláfjöllum. Hægt er að taka rútuna báðar leiðir, eða aðra leið í lok dags.
Skíðadeildir
Helsta æfingasvæði skíðadeilda íþróttafélaga á höfuðborgarsvæðinu er í Bláfjöllum og eru deildirnar með fjóra skála.
Skálar
Þjónustumiðstöð er í Bláfjallaskála, en einnig er boðið upp á veitingasölu í skálum skíðafélaganna.