COVID-19 og Skíðasvæðin

21. desember 2021

Í dag voru ákveðnar takmarkanir sem taka gildi 23. desember 2021 og gilda til 12. janúar 2022.  Þetta hefur eftirfarandi áhrif á Skíðasvæði höfuðborgarsvæðisins:

 

  • 2 metra nándarregla er í gildi og ef ekki er hægt að viðhalda henni er ætlast til grímuskyldu.  Gestir þurfa því að bera grímu og nota hana í röðum og í stólalyftum.
  • 20 manna fjöldatakmörkun hefur þau áhrif að veitingasala verður lokuð.  Salerni verða opin og skíðaleiga en í hana verður talið inn í rýmið.
  • Þá mun verða tekin upp takmörkun á svæðið eins og var gert í fyrra.  Þetta hefur fyrst og fremst áhrif á þá sem eiga dags-eða klukkustundarkort.  Öllum opnunardögum verður skipt upp í tvö holl og þeir sem ætla í fjallið þurfa að kaupa kort á netinu og velja þarf í hvort hollið á að mæta.  Takmarkað upplag er í hvort holl.  Aðeins er hægt að kaupa í hollin samdægurs og opnun hefur verið ákveðin.   Vetrarkorthafar geta komið hvenær sem þeim hentar í fjallið, fjöldatakmörkunin tekur tillit til þess.

 

Frekari upplýsingar um gildandi takmarkanir eru á covid.is.

Grímuskylda er við upphaf lyftu, við skála, salerni, í skíðaleigu og á öllum öðrum stöðum þar sem fólk safnast saman.

Gildir fyrir þá sem eru fæddir 2016 og fyrr.

Gestir skíðasvæðanna bera ábyrgð á eigin sóttvörnum, tryggja 2 metra fjarlægð og notkun gríma. Skíðasvæðin gera það sem í þeirra valdi stendur til að auðvelda gestum að framfylgja reglum.